*الحواوشى المصرى *

*المقادير*

8 ارغفه عيش بلدى ويفضل الى بيبقى فيه رده من تحت
نصف كيلو لحمه مفرومه وممكن تعملى طبعا ربع على اربع ترغفه بس
تلات بصلات كبار او بمعنى اصح افرمى بصل لحد ميبقى عندك بالنظر كده كميه الحمه مساويه لكميه البصل
معلقه ملح نص معلقه فلفل اسود
2 قرن فلفل اخضر حراق مفروم
معلقه شطه حمرا بودره او حسب متحبي بس كل مالشطه زادت بيبقى احلى
دلوقتى السر فانك تخلتى كل المقادير مع بعض كويس وضيفى
2معلقه ليه او دهنه مفرومه ممكن تخلى الجزار يفرمهالك مع اللحمه او خخليه يفرملك كميه كده لوحدها وخليها عندك فلفريزر تاخد منها لما تحبي
وضيفى نصف كوب زيت وده سر الطعم المميز للحواوشي
حطى بقى الخليط ده فى التلاجه ربع ساعه بس مش اكتر وانتبهى للخطوه دى مهمه جدا
وبعد كده طلعيه واحشى بيه الارغفه الى انتى شقتيها طبعامن الجنب احشيها كويس وادهنى الارغفه من بره زيت
دلوقتى نيجى لطريقه التسويه ودى سهله بس مهمه جدا فنفس الوقت
ولعى الفرن من تحت بس وسبيه يسخن وبعد كده رصى الحواوشى بعد محشيتى على صاجه الفرن وهيا فالنص من غير متلفيها بفويل ولا اى حاجه
وسبيها فلفرن لحد متتحمر من تحت خالص طبعا انتى كل ربع ساعه كده افتحى بصى عليها ولما تلاقى لونهابقى من تحت متحمر كويس زى الجاهز كده اكيد كلكو عارفين شكلو اقلبيه النحيه التانيه عشان يتحمر من الجهه التانيه وبرضو كل ربع ساعه بصى عليه
طبعا وهوا فلفرن هتلقى نشف خالص لحد ميتحمر متقلقيش انتى بعد كده اول ميتحمر من الناحيتين كويس جدا جدا طلعيه وحطيه فطبق كده رصيه فوق بعض وغطي الطبق بفويل او ورق زبده او حتى كيس نايلون وسبه عشر دقايق كده هتفتحى تلاقه طرى وجميل وححححوافو بس هيا الى هتبقى مقرمشه زى الجاهز بالظبط وده سرو كميه البصل الى حطناها والى هتنزل ميتها مع الزيت الى جوا ويتشرب بيهم الرغيف كلو فيديكى الطعم والريحه المميزين للحواوشى الجاهز
وطبعا الزيت الى نزل من الحوواوشي فالفرن ممكن تصفيه وتعملي بيه طاجن مكرونه هيديها طعم مميز جدا ودى هنزلها فموضوع تانى
هستنى تجربوه وتردو عليا عشان انزل الموضوع التانى وهوا الكشري الى برضو مش هتفرقيه عن الجاهز خالص
مستنيه تجاربكم واى استفسار انا موجوده

اة يا كوكى مرة بوفتيك ومرة حووشى انتى على طول كدة اكل مفيش اى حاجة تانى كدة يعنى

ما انتى لو عايزه تتثقفى ما انا حاطه ميت اختبار كنتى دخلتى بس واضح ان بطنك رنت فدخلتى على الحواوشىههههههههههه

حرراااااااااااااااااااااااااااام عليكى يا ظالمة هتجوعى الناس ايه دة
بس جامدة والله يا كوكى استمرى بقى

حرام عليكى يا اخت كوكى ارحمينا بقى